استفدت اني اركز ف طريقي مقارنش نفسي بحد لان ال هيكون مشغول بالمقارنة محروم و ان مش هعرف اعمل توازن دايما بين اكتر من حاجة ف لازم يبقي عندي أولويات كل مرحلة هيبقي فيها حاجه اهم من حاجه ف مفيش واحد أو صفر لان واحدة واحدة هحقق و هنجز وبما اني ف فترة دراسة حاليا اركز ع دراستي و جوانب تنميتي ف الجانب الأكاديمي مشغلش نفسي اوي بإن عايزة اخد شغل جمب الدراسة او اشتت نفسي في ١٠٠ حاجة .. بعد سماعى للورشة قررت أدي لنفسي فرصتها ف التطوير والتركيز ع تنمية نفسي ف الانجليزي واركز علي المرحلة اللي أنا فيها حاليا وبس

اتعلمت من ورشة محصن ضد العجز إن جوده الحياه تبدأ من جوده اللحظه و اليوم . وإنى محتاجه ابطل حديث النفس السلبي و ازود من الايجابي واتخلص من العادات السيئه الي بعملها بشكل غير واعي ومأدركتهاش إلا وأنا بسمع التدريب ..

أنا عشت تجربة من التجارب اللي مستحيل تتنسى و هعيش افتكرها بكل تفاصيلها . تجربة حضور تدريب محصن ضد العجز مع كوتش أحمد حسين تجربة خرجت منها غير الشخص اللي دخلها و دي التجارب اللي بيستمر أثرها طول العمر فخورة بالانجاز ده ، فخورة إني اخترت اعيش لحظات متتنسيش

سعيدة جداً إن ربنا أنعم عليا بحضور ورشة محصن ضد العجز لإن العجز إحساس صعب بيولد كل المشاعر السلبية اللي ممكن تتخيلها ، والعجز بيجي من اليأس وفقدان الأمل في الحل أو القدرة على تغيير الواقع لكن المفاجأة أن العجز هو إحساس مكتسب مش بنتولد بيه وده معناه اننا نقدر يكون عندنا مناعة ضد الاحساس بالعجز لما نفهم ازاي نقدر نواجهه . لما تحضر ورشة "محصن ضد العجز " مع كوتش أحمد حسين عشان هتلاقي نفسك في حتة تانية خااالص وهتفهم انت المشكلة عندك فين بالظبط وإزاي تحلها

بصراحة أنا بشكر ربنا أولا أنه كتب لي حضور ورشة زى "نفسية محارب" وبشكر كوتش زاك علي التدريب الأكثر من رائع، أنا حقيقي خرجت من التدريب بشكل مختلف تماما عن قبل ما أحضره، وأكتر جملة حركتنى ومش قادرة أنساها ( إن الوقت دايما مش في صالحك وإن ورقتك ممكن تتسحب في أي وقت ) وده لمستنى جدااا لإنى بعانى من مشكلة التسويف الدائم للمهام بتاعتى، وقررت إنى أبدأ من اللحظة ده تدريجيا أرجع أعمل الحاجات اللي كنت دايما بأجلها وهابدأ بأول خطوة وهى إنى هارجع أواظب علي قراءة ورد القرآن اليومى بتاعى وربنا يجازى الكوتش عنا كل خير ويجعل أثره اللي سابه جوانا بعد الورشة ده في ميزان حسناته

من امبارح وتحديداً من بعد ما سمعت ورشة ( نفسية محارب ) وأنا مش مبطلة أقول لنفسي الوقت مش في صالحك، انجزى وكفاية تأجيل واتحركى عشان تحسي بفرحة التغيير وبفضل الله ابتديت أحس بالفرحة ده من أول انهاردة لما قررت إنى منامش كالعادة بعد صلاة الفجر وأبدأ ألتزم بالأذكار والعبادات وربنا يرزقنى الثبات

ما شاء الله اللهم بارك كانت ورشة عظيمة جداااا ممتنة جدا لربنا ولوجودي في زاك كميونتي ان حضرتها أثرت فيا جدا وغيرت جوايا مفاهيم وادتني الاسباب والعزيمة الي اقدر أكمل بيهم مشواري بنفسية محارب واستفدت منها كتيييير وأول وأهم استفادة اني ديما أحط الهدف الاعظم قدام عيني في كل شئ بعمله يكون الهدف الاول منه هو رضا الله والجنة ساعتها مش هيكون فيه مجهول وديما أبص قدامي ومشتتش تفكيري وأبص في ورقتي ومقارنش نفسي بحد

يااه كانت فين الورشة ده من زمان .. حقيقي ورشة ( نفسية محارب) كانت نقطة فاصلة بالنسبة لى اللهم لك الحمد بدأت أمبارح كان عندي أمتحان وكنت متوتره جدا وبدأت بقا المقارنات بيني وبين نفسي دي افضل دي حافظه أحسن دي زاكرت كويس وأنتي انشغلتي حبتين وبدأت اتأثر وأتضايق وهوب هنا بقا عملت أستوب للمقارنات وعدلت من الكلام السلبي لنفسي وحمدت الله أن هداني ويسرلي التعلم ولو بكلمه وأنه فيه فروق فرديه بين كل شخص والتاني ومش كلنا نفس النسخه وكافئت نفسي كمان وجبتلها حاجه بتحبها وكنت وعدتها بيها بعد مايعدي الأمتحان ..

بشكر جداً كوتش زاك وكل فريق عمل مجتمع المعرفة التطبيقية

تشافي ام تعافي كانت ورشة مميزة جدا، طلعت منها بإن الفيصل هو قدرتنا على مواصله حياتنا رغم وجود المؤثر او الحدث اللي حصل لنا لكن دورنا ان احنا نحجم تاثيره في حياتنا عن طريق ان احنا بنتبع نظام معين بنلجا لمختص بيوجهنا لاننا مضطرين للتعايش معه ولانه غير قابل للاستشفاء وده بيهمنا جدا على الجانب النفسي لان كلنا بنتعرض لمواقف كثير او تعرضنا لمواقف كثير في الطفوله او في فتره المراهقه او حديثا من صدمات او مواقف مؤثره تركت فينا اثر وكل ما بنفتكرها بيبان الاثر ده علينا من حزن او ضعف او انهيار ومهما بنحاول ان احنا نخرج من الازمه دي ونتخطاها بنلاقي نفسنا فشلنا وبنرجع تاني لانها بتكون امور غير قابله للاستشفاء واللي المفروض اعرفه في الوقت ده اني اقدر اقلل وقت الانتكاسه وتاثيرها عليا

من أكتر الحاجات اللي اتفاجئت بأثرها الإيجابي عليا هى جلسات الدعم النفسي في زاك أكاديمى، واللي ساعدتني بشكل كبير جدا علي تجاوز محطات ألم قديمة جدا ممكن أكون مريت بيها ومكنتش قادرة اتجاوزها لوحدى، وإنى أكون بوعى أفضل ومكررش أخطاء الماضي، وأكتر جملة اتعلمتها وبرددها في عقلي دايماً ( إن المدرك للشيء لا يعود للسيء منه أبدا ) وعشان كدة أنا بشكر كل القائمين علي العمل في قسم الدعم النفسي في زاك أكاديمى